Hum Baahar Se Ek, Andar Se Do Hain…

Hum wo nahin, duniya ke aage jo hain
Baahar se ek, andar se do hain

Ek padaishi roop, doosra duniyadaari ka
Ek mohabbat ka, doosra zimmedaari ka

Paidaishi roop aisa, ke sab thukraate hain
Sacchaai ka saamna karne se, hum katraate hain

Lekin sacchaai to sacchaai hai, dabaayi nahin jaati
Duniyadaari ke jhooth mein chupaayi nahin jaati

Ispe marnewalon se itihaas raushan hai
Laila-Majnu, Romeo-Juliet se duniya gulshan hai

Kya unki taraah hum bhi barbaad ho jaayenge?
Duniyadaari ki haqeeqat mein kho jaayenge?

Aisa hua to hum adhure reh jaayenge
Gham ke sailaab mein beh jaayenge

To hum donon mein samjhaota kyun na ho jaaye?
Ek chehra chhupa rahe, dusra duniya ke samne aaye

Comments

comments

No Comments